1
أنا ياحلوين زي ما انتوا شايفين كده صورتي في بطاقتي الشخصية ومعاها كل البيانات ،وأنا عمري ما أقدر أمشي من غيرها ..عشان أنا مستقيم!!
اسمي الدلع: شيطون أو شمشون
رياضتي المفضلة: سباق الطرق المعوجة
هواياتي: الرسم باللون الأسود والأحمر،الوسوسة
مكان الإقامة الأساسي لمجتمعي: الحتت المضلمة والمجاري،وتحت بير السلم
اسم الريس: الشيطان الأعظم"إبليس"
حبيبة القلب:شيطونة الفرفورة....شعرها أحمر وفستانها كحلي وعنيها إلي تجنن مشقوقة من النصف وشفايفها السودة إلي تجنن حبيبة قلبي الملهلب.
دي نبذه مختصرة عن الحاجات الضرورية الي مش تعرفوها عني رغم اني متأكد انكوا عارفني كويس وأنا تقريباً مصاحب ثلاث أرباع بني البشر.
----------------------------------------------------------------------------------
دي نبذه مختصرة عن الحاجات الضرورية الي مش تعرفوها عني رغم اني متأكد انكوا عارفني كويس وأنا تقريباً مصاحب ثلاث أرباع بني البشر.
----------------------------------------------------------------------------------
2
أنا بقى شغلي "بسبس وسوسة"وبيحتاج مني السفر طول اليوم من شخص لشخص ومن مكان لمكان، بيبتدي الدوام بالنسبة لشغلي مع البشر من صلاة الفجر .والله بقى لو كان(إنسي) عايز يقوم يصلي بفضل طول الليل أربط العقد وأول ما يصحى أكبت على نفسوا عشان ما يقمش ليه هيا سايبه.!!!
ولو قام بقى يبقى أنا عرفت إن شغلي معاه هيطول وبفضل معاه ولما يطلع للشغل بقى.......
------------------------------------------------
3
بفضل معاه في كل تحركاته ولو اي موقف محتاج تدخلي مش بستنى لحظة
---------------------------------------------
4
ومن الأوقات الحلوة أوي بالنسبة ليا أوي، لما تتقابل شلة الأنس ودي تقريباً عند معظم البني أدمين خصوصاً الشباب .
وياحلاوتهم كده لو كانت القاعدة طرية ببنات لذيذة وبرشامة حشيش الأقعدة مفيش أحلى منها يعني أصل الدنيا عايزة ايه أكتر من كده وأنا بحب أفرفش الشباب وأبسطهم أصل أنا بحب الخير نييهاهاهاهاهاهاهاهاههاهاهاهاه
-------------------------------------------------
5
بس بيني وبينكوا معرفش ال ايه في بنات طالعين لي فيها و تقولي مش بكلم ولاد ومش عارف ايه ....المشكله ان كل زمايلها في الكليه (مأنتمين)إالا هيا،
طيب ياختي استفيدي على الاقل بدل ما تبقى سنوات الدراسه ناشفه طريها بمشاعر كده على الماشي وأهو تكسبي كل يوم فطار ببلاش ماهو اكيد هيفطرك ويمكن يغديكي كمان ويجبلك الملازم من تحت الارض لو مش لاقياها خليكي كول اومال
وقلبك ده نعنشيه
وانا بحب اوفق راسين بالحب
اصلي بحب الخيييييييييير
نياهاهاهاهاهاهاهاها
نياهاهاهاهاهاهاهاها
----------------------------------------------------------
6 
ولا البني ادم الي يقولي- أتصدق- ده بيرفع ضغطي 2000 خلاص ياخويا يعني لاقي تاكل وتأكل عيالك
ومصاريف الموبايل تمام
ولابس حلو؟؟ياخويا شوف نفسك الاول بدل الصدقة دي هاتلك لحمة ولا اعزم بنت حلوه على سينما روش يعني وافرح
وانا بحبك تكون فرحان
نيهاهاهاهاهاهاهاهاها
نيهاهاهاهاهاهاهاهاها
-------------------------------------------------------------------------------------
7
تعرفوا ان (السوق) من أحلى الأماكن الي بحب راوح لها ولما يكون الشيفت بتاعي في( السوق) ياحلاوه بيكون شغل اشطة.
عالعيال بتعاكس ايه وبنات فل بس ساعات بلاقي ناس عاملينلي فيها ال ايه بيغيروا وميصحش وبتاع تيجي تلاقي واحد يجيب لمراته في الصيف فستان شتوي
ياعم بحبحها مش كده اومال
الي دفتعه عليها ده يروح هدر
خليييييييييييييييك كوووووول
وأما بنعمة ربك فحدث
-----------------------------------------------------
8
مش بقول لكوا في كل حته انا موجود
-------------------------------------------------
9
بس اوعوا تفتكروا ان شغلي بسيط كده ده جنب الي فات ده كلوا بنقعد نحضر من السنه للسنه شغل رمضان ونعمل بروفه
لاصحابنا الانسين عشان يكونوا نسخه مستنسخه مننا أصل رمضان ده شهر الاجازه السنوي بتاعنا وبيبقى ممل اوي بس بنعمل حسابنا وبنكون مزبطين معهم بس بيصَعبوا عليا اوي لما يحتاسوا في حاجه بكون بتقطع بس مش عارف اعملهم حاجه اصلي بحب اساعد
نياهاهاهاهاهاها
ليست هناك تعليقات:
إرسال تعليق